स्व. राजा वीरेन्द्र परिवारको सम्पत्ति साढे २३ अर्ब
माघ ६ । स्वर्गीय राजा वीरेन्द्रको परिवारका नाममा देशभर करिव २३ अर्ब ५० करोड रुपैयाँ बराबरको चल अचल सम्पत्ति पाइएको छ । उक्त सम्पत्ती भने नेपाल ट्रष्ट मातहत आएको बताइएको छ ।स्वर्गीय वीरेन्द्र र उनको परिवारका नाममा विदेशमा भने कुनै सम्पत्ति नभेटीएको ट्रस्टका एक अधिकारीले बताएको कारोबार दैनिकमा खबर छापिएको छ ।
तर स्वर्गीय राजा वीरेन्द्र, रानी ऐश्वर्य तथा युवराज दीपेन्द्र र अधिकारजकुमार निराजनका नाममा रहेको सम्पत्ति ट्रस्टमातहत ल्याइएको छ ।
सरकारले राजपरिवारको नाममा भएको सम्पत्ति खोजविन गर्न ०६४ सालमा नेपाल ट्रस्टको स्थापना गरेको थियो ।
नगद फेला पार्न नसके पनि भाडामा दिइएका भवन तथा जग्गाको खोजी जारी रहेको कार्यालयले जनाएको छ । अहिलेसम्म ट्रस्टको नाममा विभिन्न बैँकमा २३ करोड ४५ लाख रुपैयाँ रहेको खबरमा उल्लेख छ ।
0 comments
Write Down Your Responses